د چين ولسي جمهوريت د جوړېدو د ۷۷مې کليزې د نمانځنې مېلمستيا د سپتمبر د ۳۰مې نېټې په شپه په بېجينګ کې تر سره شوه. د چين کمونېست ګوند د مرکزي کمېټې عمومي منشي، د دولت رئيس او د مرکزي پوځي کمېسيون مشر شي جين پينګ په دغه مېلمستيا کې ګډون او مهمه وينا يې وکړه.
د چين د دولت رئيس شي جين پينګ د خپلې وينا په ترڅ کې ویلي، د چين ځانګړتيا لرونکی سوسياليزم تر اوږدمهاله تمرین او تجربې وروسته خپله ستره برتري ښودلې ده. د ده په خبره، د چين د دولتي ادارې سيستم او اړونده وړتيا پر له پسې پياوړې کېږي او د چيني ملت بيا سمسورتيا به خامخا تر سره شي.
هغه ويلي:”که چېرې موږ خپل باور ټينګ کړو، پر ټاکلو موخو تمرکز ولرو، ګام پر ګام پرمختګ وکړو، د چين ستر کمونېست ګوند، چينايان او د چين ولسي جمهوريت به هرومرو برياليتوب خپل کړي.“
