د سعودي عربستان د تیلو پر دوو تصفیه خانو باندې تر بریدونو شپږ ورځې وروسته د سعودي عربستان په مشرۍ پوځي ائتلاف په یمن کې ځینې هدفونه په نښه کړي دي. دغه پوځي ائتلاف ویلي دي چې د دوی په عملیاتو کې څلور پوځي هدفونه د حدیده بندري ښار په شمالي څنډه کې له منځه وړل شوي دي. ویل کېږي چې په دغه ځای کې سمندري ماینونه او چاودیدونکي توکي تولیدېدل. حوثي یاغیانو د تیرې شنبې په ورځ د سعودي عربستان د تیلو پر دوو تصفیه خانو باندې د بې پيلوټه الوتکو بریدونو مسوولیت پر غاړه اخیستی دی. دغو بریدونو د تیلو په تولید کې د پام وړ کموالی راوستی دی. امریکا پر سعودي عربستان د برید تور په ایران باندې لګوي. خو تهران په دغه برید کې خپله هر ډول ښکیلتیا ردوي.
سعودي عربستان پر حوثي یاغیانو هوايي برید کړی
Get real time update about this post categories directly on your device, subscribe now.
- Trending
- Comments
- Latest
