قومندان شمشېر: خلک مې ملاتړي دي، حکومت مې نه شي نیولی

د محمد محقق د ملېشه ځواکونو قوماندان علي پور ویلي، حکومت یې د نیولو توان نه لري. علي پور چې په قوماندان شمشیر مشهور دی، په میدان وردګو ولایت کې یې خپلو پلویانو ته ویلي، حکومت دا وړتیا نه لري چې دی ونیسي، ځکه په وینا یي تر شا یې خلک ولاړ دي او د خلکو زور د حکومت له زوره زیات دی. کورنیو چارو وزارت ویلي، علي پور یو جنایتکار، شوکمار، غل او قاتل انسان دی او پولیس هڅه کوي چې نوموړی ونیسي. څه موده وړاندې حکومت د علي پور د نیولو لپاره د غور ولایت په لعل او سرجنګل ولسوالیو کې عملیات وکړل چې علي پور په تېښته بریالی شو. د یادو عملیاتو په اړه د اجرایه ریاست دویم مرستیال محمد محقق غبرګون ښودلی و او د حکومت یاده کړنه یې تعصبي عمل بللی و. دا په داسې حال کې ده چې حکومت په دې وروستیو کې ویلي، غیر مسووله وال به ونیسي او د قانون منګولو ته به یې وسپاري.