د تخار ولایت امنیتي چارواکي وایي، چې د ولسي جرګې ټاکنو ته د یوې نوماندې په کمپایني غونډه کې چاودنې مرګ ژوبله اړولې ده. د تخار د امنیه قومنداني د امنیت امر نظام الدین غوري وایي، چاودنه نن غرمه په رستاق ولسوالۍ کې د ولسي جرګې د ټاکنو د یوې نوماندې نظیفې یوسفي بیک د ټاکنیزې غونډې پر مهال شوې ده، چې نوموړې ترې روغه وتلې. غوري وویل، چې د چاودنې له امله ۱۲ تنه وژل شوي او ۳۲ نور ټپیان دي. امنیه قومنداني وایي، چاودېدونکي توکي په یو موټر سایکل کې ځای پر ځای شوي وو. د چادونې پړه تر اوسه چا په غاړه نه ده اخیستې خو تر دې وړاندې وسله والو طالبانو د یوې اعلامیې په خپرولو سره د ټاکنو د ګډوډولو ګواښ کړی و.
په ټاکنیزه غونډه کې چاودنې مرګ ژوبله اړولې
Get real time update about this post categories directly on your device, subscribe now.
- Trending
- Comments
- Latest
