«تل رښتیا وایه، ان که د ویلو پر مهال دې غږ هم ولړزېد.» څومره ښکلې جمله ده. ډېر خلک ښې خبرې کوي، ډېری کسان بیا بې ګټې او سپکې خبرې کوي، داسې بې ارزښته خبرې چې د یوې اوربشې په اندازه هم ارزښت نه لري. حقیقي رهبران بیا یوه ځانګړنه لري؛ هغوی لږ خبرې؛ خو ډېر عمل کوي. زه د خاموشه رهبرانو مینهوال یم، هغوی چې لږ ژمنې کوي او ډېر عمل کوي. کله چې خبرې کوي، حقیقتونه وایي. زموږ په منځ کې بریالي سوداګر هغه دي چې پر دې پوهېږي خبرې کول یانې پر خپلو خبرو عمل کول. پر ژمنو او خبرو عمل کول د انسان باور سل چنده زیاتوي او دغه کار د اطمینان اصلي بنسټ دی. نو ژمنه وکړئ چې پر خپلو خبرو به تر اخري حده عمل کوی. په رښتیا ویلو سره کولای شی چې یو رهبر جوړ شی، مهمه نه ده چې په کوم نوم او عنوان. په تیاتر کې دا معقوله ده چې وایي: «هېڅ رول کوچنی نه دی.» په یاد ولرئ؛ هېڅوک کوچني نه دي. الیور ونډل هولمز ویلي: «هر کار د ارزښت وړ دی، خو که چېرې په عالي بڼه تر سره شي.»
