اروپايي ټولنې پرون په رسمي ډول پر روسيې خپل اقتصادي بندیزونه چې ۴ کاله وړاندې يې لګولي وو، وغځول. پر روسيې دا بندیزونه د مسکو له خوا له خپلې خاورې سره د کریمیا ټاپو وزمې د یو ځای کولو په خاطر لګول شوی وو. د ۲۸ هېوادونو جوړې اروپايي شورا په یوه بیان کې ویلي دي چې دا بندیزونه به د راتلونکي ۲۰۱۹ کال تر جولای میاشتې پر ځای پاتې وي. د اروپايي هېوادونو اقتصادي بندیزونه د روسيې د انرژۍ، بانکدارۍ او دفاعي سکټورونه په نښه کوي. په روانه اوونۍ کې اروپايي ټولنې پر هغو پنځو روسي وګړو د ویزو پر بندلو او په اروپا کې د هغوی د پانګو پر کنګل کولو موافقه وکړه چې په بریتانیا کې د یوه پخواني روسي جاسوس او د هغه پر لور د کیمیاوي موادو په برید کې په لاس لرلو تورن دي.
اروپایي ټولنې پر روسیې لګول شوي بندیزونه نورهم وغځول
Get real time update about this post categories directly on your device, subscribe now.
- Trending
- Comments
- Latest
