د ایران د هوایي ځواکونو قوماندان یو ځل بیا په ډاګه کړې چې د قاسم سلیماني د وژلو په بدل کې دوی د ټرمپ او پومپیو د وژلو هڅه کوي. د ایران د سپاه پاسداران د قدس ځواکونو قوماندان قاسم سلیماني د ۲۰۲۰ کال په جنورۍ کې د عراق د بغداد هوايي ډګر ته نږدې د امریکا د بې پیلوټه الوتکې په برید کې ووژل شو. د ایران د سپاه پاسداران د فضايي قطعې قوماندان جنرال امیرعلي حاجي زاده په یوه تازه مرکه کې ویلي، هیله یې دا ده چې ټرمپ، پومپیو، پخوانی امریکایي جنرال کېنټ مک کینزي او هغه پوځي قوماندانان ووژني چې د سلیماني د وژلو امر یې کړی و. د ایران د سپاه پاسداران انقلاب ځواکونو د فضایي قطعې قوماندان حاجي زاده دا څرګندونې په داسې حال کې کړي دغو ځواکونو د کروز توغندي د جوړولو خبر ورکړ او وویل چې دا توغندی ۱۶۵۰ کیلو مټره واټن ویشتلی شي. جنرال حاجي زاده ویلي چې ایران اوس توانیدلی د ۲۰۰۰ کیلومتره په فاصله کې امریکايي کښتۍ په نښه کړي.
ایرانی جنرال: د قاسم سلیماني د وژلو غچ به اخلو
Get real time update about this post categories directly on your device, subscribe now.
- Trending
- Comments
- Latest
