جنرال رازق: پر ‌‌‌‌‌‌ډیورنډ کرښه سیم غځولو ته اجازه نه ورکوو

د کندهار امنیه قومندان جنرال عبدالرازق وایي، پاکستان ته به په هیڅ صورت پر ډیورنډ کرښه د اغزن سیم غځولو اجازه ورنه کړي. د کندهار امنیه قومنداني نه په خپرې شوې خبرپاڼه کې راغلي، چې پاکستاني یرغلګرو په ‌‌‌‌‌‌ډېرې سپين سترګۍ سره د هېواد د ختیځو ولایتونو په شان په کندهار کې هم پر ‌‌‌‌‌‌ډيورنډ فرضي کرښه اغزن سیم غځول پيل کړي. د سرچینې په وینا دغه اغزن سیم، چي د سپين بولدک او ښوراوک ولسوالیو تر منځ د سرو څاهانو په سیمه کې یې چارې پيل شوي، دوې اوونۍ وړاندې سرحدي پولیسو له منځه یوړ او کار یې وربند کړ. اعلامیه کاږي هغه مهال وسله والو طالبانو د پاکستان په غوښتنه ددغه سیم د غځولو او د سرحدي ځواکونو د مصروفولو لپاره په معروف، ارغستان، سپين بولدک او ښوراوک ولسوالیو کي لوی بریدونه وکړل. خبرپاڼه کې له وسله والو طالبانو غوښتنه شوې، چې د اغزن سیم غځولو پر مهال د پاکستاني پوځ د یاد عمل په غبرګون کې دې افغان ځواکونو ته مزاحمت نه کوي.