د اسرائیل لومړي وزیر بنیامین نتانیاهو د اکتوبر په ۱۸مې نېټې تش په نوم د “ملي امنیت نوې مفکوره” اعلان کړې ده.
هغه په یوې اعلاميې کې ویلي، چې اسرائیلي ځواکونو په غزې تړانګې، یمن، لبنان او ایران کې څو اړخیزې جګړې کړي، د “اټومي تخریب” له نږدې خطر سره یې مقابله کړې او د ایران له ملاتړه برخمن د اسرائیل د ګاونډي دوښمن جنګي ځواک یې له منځه وړی دی.
نتانیاهو ویلي، د امنیت نوې مفکوره به اسرائیل وهڅوي چې د مهماتو او وسلو په تولید کې تر خپلې وسې خپلواکي ترلاسه کړي او دا ډاډ به ترلاسه کړي چې اسرائیل به په خورا پرمختللو ټېکنالوژیو کې بشپړ غوره والی ولري.
