د ۲۰۲۶ کال د مصنوعي ځیرکتيا نړيوال کنفرانس او د مصنوعي ځيرکتيا د نړيوالې حکومتولۍ لوړپوړې غونډه د جولای په ۱۹ د چين په شانګهای ښار کې پیل شوه. د کیمیا په برخه کې د نوبل جايزې ګټونکي عمر یاغي د دې غونډې پرانيستونکو مراسمو کې د چين د دولت رئیس شي جین پينګ وينا الهام بښونکې بللې ده.
ښاغلي عمر یاغي دا خبرې له سي جي ټي اېن سره د ځانګړې مرکې پر مهال کړې دي. هغه وويل، رئیس شي جین بينګ مصنوعي ځيرکتيا او پرمختګ يې جهاني اقدام او د جهان په نفعه بللی او ټینګار یې کړی، چې د مصنوعي ځيرکتيا پرمختګ باید د هېڅ هېواد انفرادي عملکرد ونه اوسي.
یاغي زياته کړه، رئیس شي جین پينګ اساسي وینا د چين د مصنوعي ځيرکتيا د پرمختګ لید لوری په خورا روښانه توګه بیان کړی دی. هغه زیاته کړه، اوسمهال چين د مصنوعي ځيرکتيا په شمول بېلابېلو برخو کې د چټک پرمختګ په حال کې دی، دا پرمختګ موږ دې ته اړباسي چې د مصنوعي ځيرکتيا د راتلونکې ودې لوری او پر ټولنیز پرمختګ، علمي نوښت او نړۍ پر راتلونکي یې اغیزې په ژوره توګه وارزوو او باید وپېژنو چې مصنوعي څیرکتیا د بشریت لپاره سترې ګټې لرلای شي ، خو په ورته وخت کې ناسمې کارونې خطرونه هم ورسره مل دي.
رئیس شي جين پینګ په خپله وينا کې د دواړو اړخونو ترمنځ د توازن ساتلو څرنګوالی په دقیقه توګه تشریح کړی دی.
