د چين د پرمختګ او اصلاحاتو ملي کمېټې د معلوماتو مرکز د اکتوبر په لسمه نېټه يو شمېر پرمختيايي شاخصونه خپاره کړي دي. ارقام ښيي، چې د چين اقتصاد د ښه والي او پرمختګ تمايل ساتلی دی.
په چين کې د پانګونو په جوړښت کې د نويو او باکيفيته صنايعو ونډه لوړه شوې ده. د روان کال په درېيمه ربعه کې د محاسبې قابلیت (computility) او ډېټا په شمول د نويو بنسټيزو تاسيساتو د پروژو ارزښت د تېر کال د همدې مودې په پرتله ۳۴ اعشاريه ۲ سلنه زياتوالی ښيي. د روان کال په درېيمه ربعه کې په چين کې د مصنوعي ځيرکتيا او انساني شکله روبټونو په شمول پرمختللو سکټورونو کې د پانګونو ارزښت د تېر کال د همدې ممدې په پرتله يو چند زيات شوی او په نويو بنسټيزو تاسيساتو او نويو صنايعو کې د پانګونو اندازې لوړې شوي دي.
د چين بهرنۍ سوداګرۍ د پېچلي نړيوال چاپيريال پر وړاندې پرمختيايي قوت ښودلی دی. د روان کال په درېيمه ربعه کې د چين له عمده بندرونو څخه د وتلو باروړونکو بېړيو د مالونو وزن د تېر کال د همدې مودې په پرتله ۴۳ اعشاريه يو سلنه زياتوالی ښيي، چې د زياتوالي انډول يې د تېرې دوهمې ربعې په پرتله لوړ دی.
