د چين د کمونېست ګوند د مرکزي کمېټې د سياسي بيورو غړي او د دغې کمېټې د بهرنيو چارو دفتر مشر وانګ يي د اکمتوبر په لسمه نېټه د شان شي ولايت په داتونګ ښار کې د فرانسې د ولسمشر د بهرنيو چارو له سلاکار ايمانويل بوني سره د چين او فرانسې ترمنځ ۲۸م ستراتيژيک ډيالوګ تر سره کړی. دواړو خواوو په ډيالوګ کې د دواړو هېوادونو د ستراتيژيکې همکارۍ د پراختيا په اړه د نظريو تبادله کړې او ګډ توافقات يې تر لاسه کړي دي. دواړو خواوو د چين او اروپا د سوداګرۍ او پانګونې د مشورتي ميکانيزم لاسته راوړنې ستايلې دي.
وانګ يي ويلي، چې د چين او فرانسې ترمنځ ستراتيژيک ډيالوګ له لوېديځو هېوادونو سره د چين لومړی لوړ پوړی ستراتيژيک مشورتي ميکانيزم دی او د چين او فرانسې د اړيکو په پرمختګ کې يې مهم رول لوبولی دی.
وانګ يي ويلي، چيني لوری هيله لري چې له فرانسې سره لوړ پوړي تګ راتګ وساتي، د هوانوردۍ، فضايي چارو او اټومي انرژۍ په شمول دوديزو برخو کې خپلمنځي همکارۍ لاپیاوړې کړي، د پرمختللي توليد، رزغونتوب او ټيټ کاربڼ او مصنوعي ځيرکتيا په شمول نويو برخو کې خپلمنځي همکارۍ زياتې کړي او د ښوونې، کلتور، ځوانانو، سپورټ او سيمه ييز تګ راتګ په برخو کې تبادلې ژورېۍ کړي.
دواړو خواوو د اوکراين بحران او د منځني ختيځ وضعيت په اړه د نظريو تبادلې هم کړي دي. دواړو خواوو هوکړه کړې، چې په مداومه توګه به د ستراتيژيک ډيالوګ د ميکانيزم له وړتيا څخه کار واخلي او خبرو اترو او د نړيوالو چارو همغږۍ ته به دوام ورکړي.
