د چین سفارت له لوري د پوسټ نړیواله ورځ ولمانځل شوه

په افغانستان کې د چین سفارت له لوري د اکتوبر نهمه د پوسټ نړیواله ورځ ونمانځل شوه. په همدې مناسبت جوړو شو مراسمو کې د مخابراتو او معلوماتي ټکنالوژۍ وزارت سرپرست وزیر شهزاد اریوبي، د چین سفیر لیو جین سونگ او د پوستي خدمتونو د شرکتونو مسولینو ګډون کړی و. په غونډه کې د چین سفیر د پوسټ پر  ارزښت او  مخینې خبرې وکړې، د چین او افغانستان تر منځ یې د تاریخ په بېلا دورو او حکومتونو کې د پوسټونو تبادلې ته اشاره وکړه. د مخابراتو او معلوماتي ټکنالوژۍ وزارت سرپرست وزیر شهزاد اریوبي پوستي خدمتونه خورا مهم وبلل او زیاته یی کړه چې موږ د پوستي خدمتونو لپاره پلان لرو ترڅو د دغه خدمتونو د لا عصري کولو په موخه انلاین سیستم ولرو. هغه وويل چې افغانستان د پوسټ د نړیوالې ټولنې بشپړ غړیتوب لري، چې په دې سره افغان پوسټ کولای شي چې د نړۍ هر هیواد ته د غوټو (پارسلونو) د لیږلو خدمات ترسره کړي. اریوبي وویل، په راتلونکې اونۍ کې به دوی هم د پوسټ نړیواله ورځ رسما ونماځي.