د ۲۰۲۶م کال د بېجینګ کلتوري فورم د سپتمبر په ۲۲ مه نېټه په بېجينګ کې پرانیستل شو. د دې فورم د پرانیستې مراسمو کې د چین د کمونېست ګوند د مرکزي کمېټې د سياسي بيورو غړي او د دې کمېټې د اطلاعاتو او ناشراتو څانګې مشر لي شو لې ګډون او وينا وکړه.
په دې فورم کې چيني او بهرني ګډونوال په دې اند دي، چې رئیس شي جین پينګ د نړيوال تمدن وړانديز کړی، د کلتوري میراثونو په برخه کې يې نړيوالې همکارۍ هڅولې او د انسانيت د ګډ برخليک ټولنې د جوړولو لپاره يې هڅې کړې، چې د چين او نړۍ د کلتوري ميراثونو د اړوندو چارو لپاره ډېر اهميت لري. کلتوري میراثونه د ټولو انسانانو ګډه شتمني ده او د هغوی ښه ساتل، راتلونکو نسلونو ته یې سپارل او ترې ګټه اخیستل د بشري تمدن د دوام او نړیوال پایښت لرونکي پرمختګ لپاره اړین دي او دغه راز زموږ ګډ مسؤلیت هم دی.
د ۲۰۲۶ کال د بېجینګ کلتوري فورم د “کلتوري میراث او د تمدنونو ترمنځ متقابله زده کړه” تر عنوان لاندې جوړ شوی، چې پکې د ۴۴ هېوادونو او سیمو له ۶۰۰ څخه ډېر مېلمانه ګډون کوي.
