د چین دولت رئيس شي جین پینګ د سپتمبر د لومړۍ نېټې په سهار د قرغېزستان په پلازمېنې بېشکېک کې د شانګهای همکارۍ سازمان د غړو هېوادونو د مشرانو شورا په ۲۶مې غونډې کې ګډون او مهمه وینا کړې ده.
په دغه غونډه کې د شانګهای همکارۍ سازمان د نوبتي رئيسه هېواد قرغېزستان ولسمشر صدر جاپاروف، د بېلاروس ولسمشر اليکسندر لوکاشينکو، د هند لومړي وزير نارېندرا مودي، د ايران ولسمشر معسود پزشکيان، د قزاقستان ولسمشر قاسيم جومارت توکايف، د پاکستان صدراعظم شهباز شريف، د روسیې ولسمشر ولاديمير پوتين، د تاجکستان ولسمشر امام علي رحمان، د ازبکستان ولسمشر شوکت ميرزایف او د شانګهای همکارۍ سازمان سرمنشي نورلان يرميکبايف او ځينو نورو مشرانو ګډون کړی و.
شي جين پينګ د دغه سازمان د غړيو هېوادونو له مشرانو سره ګډ عکس واخېست او وروسته يې د دغه سازمان د مشرانو شورا په غونډه کې ګډون او «د شانګهای همکارۍ سازمان د لا لوړ کيفيت پرمختګ هڅونې» په عنوان مهمه وينا کړې ده.
نوموړي په خپله وينا کې څلور فقره ييز وړانديز کړی دی:
۱- د شانګهای همکارۍ سازمان غړي هېوادونه دې پرمختګ ته لومړيتوب ورکړي او د ګډې سمسورتيا راتلونکی دې پرانېزي.
۲- د شانګهای همکارۍ سازمان دې پر امنيت ټينګار ولري او د همدې لپاره دې مناسب چاپېريال برابر کړي.
۳- د شانګهای همکارۍ سازمان غړي هېوادونه دې د خلکو ګټو ته په کتو د نسل په نسل د دوستۍ بنسټونه ټينګ کړي.
۴- د شانګهای همکارۍ سازمان دې پر ډيالوګ او سلامشورو ټينګار وکړي او په عادلانه او منظمه توګه دې مديريتي چارې بشپړې کړي.
