د چین د دولت رئیس شي جين پينګ د سپتمبر د لومړۍ نېټې په شپه د ځانګړې الوتکې له لارې قاهرې ته ورسېد. هغه د مصر د ولسمشر عبدالفتاح السيسي په بلنه مصر ته رسمي سفر کوي.
شي جين پينګ په خپله ليکلې وينا کې څرګنده کړه چې چين او مصر دواړه لرغوني تمدنونه او په زرګونو کلونو کې دوديزه دوستي لري. دواړو هېوادونو د خپلو ډيپلوماتيکو اړيکو د ټینګېدو له ۷۰ کلونو راهیسې، په نړيوالو او سيمه ييزو حالاتو کې له بدلونونو سره سره بیا هم تل په همغږۍ کار کړی او د ګډو ګټو پر بنسټ همکاري يې ترسره کړې ده. په دې وروستيو کلونو کې له ولسمشر السيسي سره يو ځای، ما د چين او مصر جامع ستراتيژيکو همکاریزو اړیکو رهبري کړې چې بې ساري پرمختګ یې تر لاسه کړی دی. د دواړو هېوادونو ترمنځ سیاسي متقابل باور قوي دی او د همکارۍ پایلې يې ډېرې ښې دي. زه به د روان سفر پرمهال له ولسمشر السیسي سره د دواړو هېوادونو د اړیکو، په بېلا بېلو برخو کې د دواړو هېوادونو د همکارۍ او د ګډې پاملرنې وړ نړیوالو او سیمه ییزو مسئلو په اړه د نظریو تبادله وکړم، د چین او مصر د جامع ستراتيژيکو همکاریزو اړیکو د پرمختګ نقشه به جوړه کړم او په نوې زمانه کې به د چین او مصر د ملګرتیا یو نوی فصل ولیکم.
