ملګري ملتونه وایي، په افغانستان کې له امنیتي ستونزو سره سره دې افغان امنیتي ځواکونه د ولسي جرګې د را روانو ټاکنو لپاره داسې شرایط رامنځ ته کړي چې ډېری افغانان په ټاکنو کې ګډون وکړی شي. د افغانستان لپاره د ملګرو ملتونو د سیاسي دفتر یا یوناما له خوا په خپره شوې خبرپاڼه کې د افغانستان لپاره د ملګرو ملتونو ځانګړي استازي تادامیچي یا ماموتو ویلي، د افغانستان امنیتي ځواکونه بشپړ مسوول دي چې د ټاکنو لپاره امنیت برابر کړي. یاماموتو دغه راز ویلي، ګواښونه باید ددې سبب نه شي، چې افغانان د خپلو استازو د غوره کولو او د خپل هېواد د راتلونکې د جوړولو لپاره له دغې پروسې بې برخې کړي. یوناما ټینګار کړی چې افغان امنیتي ځواکونه د لومړي ځل لپاره د ټاکنو بشپړې امنیتي چارې سمبالوي نو ورته پکار ده چې خپل سیاسي بې پرې والی وساتي.
ملګري ملتونه: افغان ځواکونه د ټاکنو د امنیت مسوول دي
Get real time update about this post categories directly on your device, subscribe now.
- Trending
- Comments
- Latest
