د چين مرستيال دولت رئيس هان جنګ پر ځايي وخت د سپتمبر په ۲۵مه نېټه په نيويارک کې د ملګرو ملتونو د عمومي اسامبلې په څنډه کې د ملګرو ملتونو له سرمنشي انتونيو ګوترېش سره وکتل. بر سېره پر دې، نوموړي په همدې ورځ د چين په کوربه توب د نړيوال پرمختګ نوښت د پنځمې کليزې د لوړې کچې په ډيالوګ کې ګډون وکړ او پکې يې د دولت رئيس شي جين پينګ د مبارکۍ پيغام ولوست او وينا يې وکړه.
هان جنګ له ګوترېش سره د کتنې په ترڅ کې وويل، چې اوسمهال نړيوال حالت پېچلی او بې ثباته دی او د ملګرو ملتونو په مرکزيت نړيوال نظام له ګڼو ننګونو سره مخ دی. سږ کال په ملګرو ملتونو کې د چين ولسي جمهوريت د قانوني څوکۍ د بيا ترلاسه کېدو له ۵۵مې کليزې سره برابر دی. چين له ۵۵ کلونو راهيسې په پر ريښتيني څواړخيزم ټينګار کړی او په نړيوالو چارو کې يې د ملګرو ملتونو د مرکزي رول ملاتړ کړی دی. د څواړخيزم ملاتړ او د نړيوال اداري سيستم اصلاحات او ښه والی د نړيوالې ټولنې ګډې هيلې دي. چين به د يو مسوولانه لوی هېواد په توګه خپل رول ته دوام ورکړي، په فعاله توګه به د ملګرو ملتونو له اجنډا سره د خپلو مفکورو او نوښتونو سمون ته وده ورکړي او د چيني شکله عصريتوب د نويو لاسته راوړنو په موندلو سره به نړۍ ته د پرمختګ نوي فرصتونه برابر کړي.
هان جنګ د ملګرو ملتونو د ۸۱مې عمومي اسامبلې له مشر خلیل رحمان سره هم وکتل.
