چين او هند به د دواړو هېوادونو د مشرانو د ګډو او مهمو نظريو تر لارښوونې لاندې ستراتيژيک هوډ وساتي او په يوه لوري کې به د ګامونو پر پورته کولو ټينګار ولري او په بدلېدونکې نړۍ کې به د پرمختګ ثابت قوتونه وګرځي څو د سيمې او نړۍ د سولې او سمسورتيا لپاره لازیات خدمتونه وکړي.
د چین د دولت رئيس شي جين پینګ د روان کال په سپتمبر کې د هند په نوي ډيلي کې د بريکس هېوادونو د مشرانو د اتلسمې سرمشريزې په څنډه کې د هند له صدراعظم نارندرا مودي سره وکتل. دا په ۲۰۲۴م کال او ۲۰۲۵م کال کې د کازان او تيان جين تر ملاقاتو وروسته د درېیم کال ملاقات و. دواړو خواوو په صادقانه توګه د همکاريزو اړيکو په هکله د نظريو تبادلې کړې او د نظر مهمو توافقاتو ته رسېدلي دي. رئيس شي جين پینګ د چین او هند ترمنځ د اړيکو د ثابت او دايمي پرمختګ په هکله څلور فقره ييزې نظريې وړاندې کړې چې همدا نه يوازې په تېرو دوو کلونو کې د دوه اړخيزو اړيکو د پرمختیايي تجربو راټولونه ده بلکې د دغو اړيکو د نوي پړاو او دوامداره پراختيا لپاره يې لاره چاره او عملي لارښود برابر کړی دی.
چين او هند بايد په منطقي رويې سره د خپلمنځي اړيکو د ثابت پرمختګ لپاره پرمختیایي لوری سم کړي. د چین او هند ترمنځ اړيکې په اصل کې د دوو هغو لویو ګاونډيو پرمختیايي هېوادونو د خپلمنځي چلند مسئله ده، چې د هر یوه نفوس يې په جلا جلا توګه له یو اعشاریه څلور ميليارډو څخه زيات شوی. رئيس شي جين پینګ په اشارې ویلي چې چين او هند دښمنان نه بلکې همکاران دي او يو د بل لپاره ګواښ نه بلکې پرمختیايي فرصتونه دي. رئيس شي جين پينګ د دواړو هېوادونو د اوسني پرمختيايي پړاو او نړيوال چاپيريال له مخې ياد ستراتيژيک قضاوت کړی او دغه نظر د دواړو هېوادونو او د خلکو له ګډو ګټو سره سمون لري. صدراعظم مودي هم دې ته مثبت ځواب ورکړی او ويلي يې دي، چې هند تل د ستراتيژۍ او اوږدمهاله ليدلوري له لحاظه له چين سره اړيکو ته ګوري او غواړي چې له چين سره دښمنې نه بلکې همکاريزې اړيکې ټينګې کړي او يو د بل پرمخت خپله ننګونه نه بلکې ګټور فرضت وبولي. د دواړو هېوادونو مشرانو د دوه اړخيزو اړيکو لوری روښانه کړی او د اوسنۍ نړۍ لپاره يې ثابته وړاندوينه برابره کړې ده.
دواړه هېوادونه د همکاريو له لارې د ګډو برياليتوبونو د تر لاسه کولو د مفکورې په پلي کولو سره د متقابل پرمختګ لپاره هڅې کوي او دغو اړيکو ته حياتي ځواک ورکوي. که څه هم چين او هند خپل مشخصات لري، خو کولی شي چې يو د بل کمبود پوره کړي، يو له بل څخه ملاتړ وکړي او ګډ پرمختګ ومومي. رئیس شي جين پینګ پر دې ټینګار کړی چې دواړه هېوادونه دې پر پرمختګ تمرکز ولري او دوستانه تګ راتګ او د ګډو ګټو پر بنسټ دې همکارۍ لا پياوړې کړي. په وروستيو کلونو کې د چين او هند نوبتي تبادلې او همکارۍ ګام په ګام بيا پيل شوې او د همکاريو ليست هم په پر له پسې توګه اوږد شوی دی. تېر کال د چین او هند ترمنځ د سوداګرۍ ارزښت ۱۵۵ ميليارډه او ۶۲۰ مليونه امریکايي ډالرو ته رسېدلی او نوی ريکاډ يې جوړ کړی دی. دواړو هېوادونو د سوداګريز جوړښت په برخه کې يو د بل کمبود پوره کولی شي او د نوې انرژۍ، زرغون اقتصاد او مصنوعي ځيرکتیا په برخو کې ډېر همکاريز فرصتونه لري او د همکاريو له لارې به په پر له پسې توګه د ولسي دوستۍ بنسټ لا غوره کړي څو د دواړو هېوادونو دوستي ترې پر له پسې خوځنده ځواک او ولسي ملاتړ تر لاسه کولی شي.
دواړه هېوادونه بايد پر متقابل درناوي او تفاهم خنډونه لرې کړي او د دوه اړخيزو اړيکو لپاره دې ثابت بنسټ برابر کړي. چين او هند د مهمو ګاونډيانو په توګه ځيني تاريخي اختلافونه لري، خو دا لا مهمه ده چې دواړه خواوې څنګه په ځيرکه توګه دغو اختلافونو ته وګوري. په وروستيو کلونو کې دواړو هېوادونو د سرحدي مسئلې په هکله د ځانګړو استازو په ۲۴م ملاقات کې لس فقره ييزو ګډو توافقاتو ته رسېدلي او په ۲۵م ملاقات کې اته فقره ييزې ګډې موافقې تر لاسه شوې چې له امله يې په سرحدي سيمو کې ارامي او سوله تضمين شوې ده. حقيقت ښکاره کوي چې که دواړه خواوې متقابل درناوی او تفاهم غوره کړي، نو اختلافونه به په بشپړه توګه کنترول شي. دواړه هېوادونه بايد په سياسي هوښيارۍ خنډونه له منځه یوسي، نو دوه اړخيزې اړيکې به په ثابته توګه دايمي پرمختګ ومومي.
