د چین د دفاع وزارت مسئولينو د فبرورۍ په ۱۰مې نېټې په یوې خبري ناستې کې د خبريالانو پوښتنو ته ځوابونه ويلي دي.
يوه خبریال په يادې ناستې کې له چيني چارواکو پوښتلي، چې د فلیپين سمندري ځواکونو په دې وروستيو کې هوانګ یان ټاپو ته نږدې پوځي بېړۍ ځای پر ځای کړې او د دغه کار موخه يې په سیمې کې د کب نیوونکو امنیت ساتنه بللې ده. چین په دې اړه څه نظر لري؟
د چین د دفاع وزارت د نشراتي ادارې مرستیال او مطبوعاتي ویاند جیانګ بین يادې پوښتنې ته په ځواب کې ویلي، چې هوانګ یان ټاپو د چین خاوره ده، خو د فلیپين پوځي ادارې د خپل هېواد کب نیونکي هڅوي او د يوې وسیلې په توګه ترې کار اخلي، چې له چین سره شخړې رامنځته کړي او له هغه وروسته پر چین تورونه ولګوي.
نوموړي ويلي، د فليپين د حکومت دغه چاره د دې ښکارندويي کوي، چې د دغه هېواد مسئولين د خپلو وګړیو خوندیتوب ته هېڅ پاملرنه نه کوي.
جیانګ بین له فلیپين څخه غوښتي، چې حقیقتونه درک کړي او سیاسي ډرامه دې پای ته ورسوي.
نوموړي ويلي، چین پر هوانګ یان ټاپو او نږدې سمندري سیمو پوره کنټرول او حاکميت لري او خپل حق، قلمرو او سمندري ګټې به توان وساتي.
