د ۲۰۲۶م کال “د چین او افریقا د کلتوري تبادلې ” فعاليت پرانیستونکي مراسم د جنورۍ په ۸مې نېټې د اتوپيا په پلازمېنې اديس بابا کې د افريقایي ټولنې په مقر کې ترسره شول.
په دغو مراسمو کې د چين بهرنيو چارو وزير وانګ يي هم ګډون او وينا کړې او ګډونوالو ته یې د دولت رئيس شي جين پینګ د مبارکۍ پيغام لوستلی دی.
يادو مراسمو ته د چين او افريقا د همکارۍ فورم د افريقايي کوربه هېواد کانګو خارجه وزير جيان کلاود ګاکوسو، د افريقايي ټولنې د کمېټې رئيس محمود علي يوسف او د ايتوپيا ولسمشر تايې عسکې سيلاسي په جلا جلا ويناوې کړې دي.
د دې ترڅنګ، په دغو مراسمو کې ډېرو سیاستوالو او د ګوندي او مدني ټولنو استازو هم ګډون کړی و.
وانګ يي يادو مراسمو ته په وینا کې ويلي، چې د چین او افريقا اړيکې لرغونی تاريخ لري او دوديزه دوستي يې د وخت په تېرېدو سره نوره هم ټينګه شوې ده.
د هغه په نظر، اوسنۍ نړۍ د لوی بدلون په حال کې ده او د چين او افريقا په شمول سراسري جنوب خپل پرمختګ موندلی دی او په خبره یې، په داسې حال کې چين او افريقا بايد د تېر په پرتله پر عدالت نور هم ټينګار ولري او باید يووالی نور هم پياوړی او تبادلې او همکارۍ زياتې کړي.
افريقايي مشرانو د رئيس شي جين پينګ د مبارکۍ پيغام تود هرکلی کړی او باور یې ښودلی، چې دغه فعاليت به د افريقا او چين د اړيکو نوې پاڼه پرانيزي.
دوی ويلي، افريقا غواړي له چين سره د کلتور، تعلیم، سيلانيزو چارو، هنر او ځوانانو په برخو کې تبادلې او همکارۍ نورې هم ټيڼګې کړي، څو دواړو لوريو اړيکې ښې پرمخ ولاړې شي.
