د چين د اقتصادي کارونو مرکزي غونډه د دسمبر له يوولسمې نېټې څخه تر دوولسمې نېټې پورې په بېجينګ کې تر سره شوه. په چين کې د جرمني د کارچير شرکت عمومي مدير تانګ شياو دونګ له خبريال سره د مرکې په ترڅ کې ويلي چې په دې غونډه کې د چين د حکومت موخه ټاکلې او د هېواد د اقتصاد د ثابت پرمختګ د ساتلو لپاره به خپلو هڅو ته ادامه ورکړي. د پاملرنې وړ خبره دا ده چې چين به لا مثبته او اغيزناکه تګلاره غوره کړي او کورنۍ اړتياوې به زياتې کړي چې همدا په چين کې د بهرنيو تصديو لپاره ډېره مهمه ده.
نړيوال هم پر دې ښه پوهیږي چې دغې مهمې غونډې نه يوازې د چين خپلو چارو ته پام اړولی بلکې په نوي کال کې به د ګډ پرمختګ د موندلو لپاره نړيوالو ته هم نوي فرصتونه برابر کړي. روان کال د نړيوال اقتصاد پرمختګ په ټيټ سرعت سره ساتل شوی او په نړيوال جيوپوليتيک وضعيت کې د بې ثباتۍ عوامل زیات شوي دي. دغه راز ځينو هېوادونو د سوداګرۍ د ساتلو کړنې ډېرې کړې چې دې کار نړيوالې سوداګرۍ او د پانګونو زياتوالي ته زيانونه رسولي دي. که څه هم نړۍ کې ګډوډۍ رامنځته شوې، خو دغې غونډې ثابتې نښې نښانې ښودلې دي. د بهرنيو خبري رسنيو په اند په نوي کال کې به چین په لا فعالې رويې سره له اقتصادي ننګونو سره مبارزه وکړي او د اقتصادي پرمختګ د ساتلو لپاره به هڅې وکړي چې همدا به خپل اقتصاد ښه کړي بلکې پر نړيوال بازار به هم ژوره اغيزه وکړي.
د هرې موخې تر سره کېدل د هڅو پر بنسټ وي.د اقتصادي او ټولنيز پرمختګ سږنۍ عمده موخه به پوره شي چې لاسته راوړنه يې اسانه نه دي. د روان کال په لومړيو درېيو ربعو کې د چین د کورني توليد عمومي ارزښت پرمختيایي انډول د نړۍ په عمده اقتصادونو کې مخکښ مقام نيولی او د روان کال په لومړيو لسو مياشتو کې يې صادراتي او وارداتي ارزښت د تېرو څو کلونو د همدې مودې په پرتله زيات شوی او نوی ريکارډ يې جوړ کړی دی. د دې ترڅنګ د نوي کيفیت توليدي ځواک يې هم په نړۍ کې په مخکښې سويې سره ساتل شوی دی.
دغه حقيقت دا ثابتوي چې د اوږدې مودې لپاره د چين د اقتصاد د ښه کېدو تمايل نه دی بدل شوی او چين لاهم په نړۍ کې د اقتصادي پرمختګ د مهم انجن په څېر رول لوبولی دی.
د نړيوال اقتصاد په تړاو يوه مهمه کلمه وړاندوينه ده. چين به لا مثبته او اغيزناکه تګلاره غوره کړي چې همدا به د خلکو لپاره مثبته وړاندوينه وي.په دغې غونډې کې ګډونوالو پر دې ټينګار کړی چې هېواد به يې لا مثبته مالي تګلاره او د پيسو نسبتأ ناټړلې پاليسي غوره کړي. تر څه باندې لسو کالو وروسته د چین حکومت د پيسو نسبتأ ناټړلې پاليسي ياده کړې چې دا هم د هېواد په لر او بر کې د پاملرنې وړ شوې ده. د ځينو بهرنيو خبري رسنيو د شننو له مخې دغو تګلارو د بېلا بېلو خواوو باور لا ټينګ کړی او دا د چین د اقتصادي پرمختګ د ښه کېدو لپاره ګټور دی.
بله د پام وړ خبره دا ده چې د چین حکومت په راتلونکي کال کې په نهو برخو کې مهمې دندې ټاکلې دي چې تر هر څه لومړی يې د مصارفو هڅول، د پانګونو د ګټو زياتوالی او د کورنيو اړتياوو هر اړخيز پراخوالی دی. د (Internationale Nederlanden Group)) په نوم د هالنډ ګروپ شنونکی د مصارفو د هڅولو په اړه د چين غوښتنه يوه ښه نښه بولي او په وينا يې دا به د بازاري باور د ټينګښت په ګټه وي.
کله چې د چين اقتصادي ځانګړتياوې يادوو، د نوي کيفيت توليدي ځواک يوه کليدي کلمه بولو. دغه کلمه هم په راتلونکي کال کې په مهمو اقتصادي دندو کې شامله شوې ده او د غونډې د روحيې په رڼا کې د چین حکومت بايد د ساينسي او تخنيکي نوښت له لارې د دغه ځواک لا پياوړتيا ته لارښوونه وکړي او عصري صنعتي سیستم دې اباد کړي. شمېرنه ښيي چې د چين د نوي کيفيت توليدي ځواک د چټک ټينګېدو په حال کې دی او په نړۍ کې د ابتکاري ځواک په تړاو د چين مقام هم يوولسم ته لوړ شوی دی.( The Economist) ويبسايټ په وروستيو کې په خپلې مقالې کې ليکلي چې په چين کې د ډېرو نړيوالو تصديو څېړنيز ارګامونه د نوښت مرکزونه ګرځېدلي دي.
د لا فعال پرمختيايي تمايل تر شا په لوړې سويې سره د چين د ورخلاصون او اصلاحاتو ټينګه اراده به تل وي او تل به د بېلا بېلو هېوادونو د تصدو هرکلی وکړي چې له چینايي تصديو سره پرمختيايي فرصتونه شريک کړي.
