د ۲۰۲۴م کال لپاره په بېجينګ کې د خلکو شکايتونو ته د چټک ځواب ورکولو فورم د دې ښار د غونډې په دولتي مرکز کې پرانيستل شو چې دايمي سرليک يې د خلکو ښار او د روښانه راتلونکې ابادي دي. د دې فورم سږنۍ موضوع د خلکو په ګټه د ښاري ادارې عصريتوب دی چې د ښاري ادارې په برخه کې د چين د نوښت او نړيوال اهميت انعکاس کوي. د 12345 په نوم د بېجينګ ښاريانو ته د چټکو خدمتونو ټيلېفوني شمېره په دې فورم کې د یوې کليدي بېلګې په توګه وړاندې شوې چې نه يوازې د چين د ښاري ادارې عصريتوب نمونه ده بلکې په نړيواله ښاري اداره کې د چين د ځيرکتيا ښکارندويي کوي.
د خلکو شکایتونو ته د چټکې رسېدګۍ له دې شمېرې څخه د چین د ښاري ادارې د عصريتوب ژوره مفکوره او نوښت ښکاري. دغه شمېره په ۲۰۱۹م کال کې پرانيستل شوه او له څه باندې شپېتو خپلواکو ټیلېفونو خدماتي کرښو څخه اسانه ټیلېفوني شمېره (12345) انتخاب شوې چې اوس د دې ښار د څه باندې شل مليونو اوسېدونکو لپاره هر اړخيز ښاري خدمتونه برابروي. د دې ټيلېفوني شمېرې په پرانيستلو سره نه يوازې د اوسېدونکو اړتياوې د اغيزمنو حکومتي خدمتونو سره وصل شوې، بلکې ورڅخه د عصري ادارې په برخه کې د بېجينګ د ښاروالۍ ژمنه هم ښکاري.
د دغه شمېرې پرمټ له څه باندې ۱۷۰۰ کارکوونکو څخه جوړه شوې کاري ډله د بېجينګ د ښاريانو لپاره خدمت کوي او د ټیليفون زنګ له اندازې سره سم پر وخت د کارکوونکو شمېر تنظيموي تر څو د خلکو لپاره اغيزناک خدمتونه وکړي. د دې خدمتي سيستم د مصنوعي ځيرکتيا له تخنيک څخه په استفادې څه باندې دوه زره ډوله ستونزې راټولوي او د خلکو غوښتنې د دې ښار بېلا بېلو څانګو، ناحيو ، علاقه داريو اويا د استوګنيزو سيمو کارکوونکو ته وړاندې کوي. د ټیليفوني ريکارډونو او ډېټاګانو په راټولولو سره د دوی کاري موثريت هم لوړ شوی او کارکوونکي هم په چټکۍ سره ترې کاري سپارښتنې تر لاسه کولی شي.
کارکوونکي په ټليفون باندې د اوسېدونکو د شکايتونو له معلومولو وروسته په څو دقيقو کې د استوګنيزو سيمو له کارکوونکو سره دغه شکايتونه شريکوي او ژر اړوندې ستونزې لرې کوي. هغوی له ښاريانو او اوسېدونکو سره مستقيمې مرستې کوي او يا د منځګړيتوب رول لوبوي تر څو د ستونزو د لرې کولو لپاره لارې چارې پيدا کړي. د دې بنسټيزې ښاري ادارې نوښت نه یوازې د ستونزو د له منځه وړلو سرعت چټکولی شي بلکې د استوګنيزو سيمو يووالی او په سيمه سيزو چارو کې د اوسېدونکو برخه اخيستنه هم پياوړې شوې ده.
په تېرو پنځو کلونو کې د دغه ټليفوني خدمتونو په وسيله څو سوه مليونه شکايتونه او ستونزې حل شوې دي. هره ورځ د ټليفوني زنګونه لس زرو ته رسېږي او د اوسېدونکو د ورځنيو ستونزو د لرې کولو لپاره يو اغيزناک ډکر برابروي. د ټليفوني خدمتونو برياليتوب د چيني شکله عصريتوب يوه نمونه بلل کيږي او د چين خصوصيت لرونکي سوسيالیستي عصري لارې د ژور مفهوم ښکاندرويي هم کوي.
په ټولې نړۍ کې ډېرو هېوادونو له خپلو مشخصاتو سره سم د خپلې عصري لارې د پيدا کولو لپاره هڅې کړې او کوي يې. د دې ټليفوني خدمتونو تجربې د نړيوالې ښاري ادارې د عصريتوب لپاره قيمتي چينايي ځيرکتيا او تجربه برابره کړې ده. د ياد فورم په تر سره کېدو سره د بېجينګ ښاروالۍ خپلې ګټورې تجربې نړیوالو ته ښودلې او اړوندې څېړنيزې لاسته راوړنې او د بېجينګ، نيويارک او توکيو په شمول د ۲۰ ښارونو د اړندو کارونو ارزونې راپور خپاره کړي دي.
د بېجينګ 12345 تودلاين نه یوازې د دې ښار د ښاري ادارې د عصريتوب، بلکې د چيني شکله عصريتوب يوه ښه بېلګه ده. دا خدمت نړیوالو ته د چيني شکله عصريتوب ځانګړې جالبیت او نړیوال اهميت ښودلی او د نړۍ د ښاري ادارې د عصريتوب په برخه کې د چين قيمتي ځيرکتيا او تجربه هم بلل کیږي. مونږ دې ته په تمه يو چې د بېجينګ اړوندې تجربې د نړۍ د ښاري ادارې د عصري بهير ته لا زيات ځواک او هوښياري برابرولی شي.
