د چين د دولت رئيس شي جين پينګ او د هند ولسمشرې دروپادي مورمو د مارچ په لومړۍ نېټه د دواړو هېوادونو ترمنځ د رسمي اړيکو د ټينګېدو ۷۵مې کليزې په مناسبت يو بل ته د مبارکۍ پيغامونه ليږلي دي.
شي جين پينګ په خپل پيغام کې دې ته اشاره کړې، چې دواړه خواوې بايد د خپلمنځي اړيکو په اړه ستراتيژيک او لرې ليد غوره کړي.
ده ویلي چې باید دواړه د لويو ګاونډيو هېوادونو په توګه په سوله کې د ګډ ژوند، متقابل درناوي او ګډ پرمختګ پر اساس د حرکت ښه لار ومومي او د نړۍ د څو قطبي کېدو او د ډیموکراټيکو نړيوالو اړيکو د تامین لپاره دې ګډې هڅې وکړي.
د هند ولسمشرې مورمو هم په خپل پيغام کې ويلي، چې د دواړو هېوادونو ترمنځ ثابتې او ښې اړيکې دواړو هېوادونو او نړۍ ته ګټې رسولی شي. هغه د دواړو هېوادونو ترمنځ د اړيکو د سالم او ثابت پرمختګ لپاره د ګډو هڅو هيله ښودلې.
د چين صدراعظم لي چيانګ او د هند صدراعظم ناريندرا مودي هم په همدې ورځ يو بل ته د مبارکۍ پيغامونه ليدلي.
