د روسيې ولسمشر ولاديمير پوټين پر ځايي وخت د اپريل په لومړۍ نېټه د دغه هېواد په پلازمېنه مسکو کې د چين کمونېست ګوند د مرکزي کمېټې د سياسي بيورو له غړي او خارجه وزير وانګ يي سره وکتل.
ولسمشر ولاديمير پوټين د کتنې په ترڅ کې وويل، روان کال د پخواني شوروي اتحاد د ځان دفاع جګړې د برياليتوب له ۸۰مې کليزې سره برابر دی او سترګې په لار دی چې چيني لوری په اړوندو فعاليتونو کې ګډون وکړي او د فاشيزم او د جاپان د نظامي ګرۍ ( Militarsim) ضد د جګړې د برياليتوب ګډه لمانځنه وکړي. روسيه اوس په اړوند چمتوالي بوخته ده او هيله لري چې په دې فرصت سره د روسيې او چين هراړخيز ستراتيژيک مشارکت پرمخبوزي او د ملګرو ملتونو، د شانګهای همکارۍ سازمان او برېکس په شمول څواړخيزو چوکاټونو لاندې د دواړو خواوو همکارۍ پر له پسې ژورې کړي. روسيه او چين بايد په نړۍ کې د بې ثباته حالت پر وړاندې ټولې نړۍ ته د خپلمنځي ستراتيژيکې همکارۍ د پياوړتيا ښودنه وکړي
د چين خارجه وزير وانګي ويلي، د چين او روسيې اړيکې د دواړو مشرانو په ستراتيژيکې لارښوونې او پاملرنې سره لا پسې پخې، کلکې او ثابتې شوې، متقابل سياسي اعتماد يې هم پر له پسې پياوړی شوی، خپلمنځي ستراتيژيکې همغږۍ ورځ تر بلې نږدې شوې او دوه اړخيزې واقعي همکارۍ يې دوامداره توګه پراخې شوې او د دواړو هېوادونو خپل پرمختګ تضمين شوی او په سترو نړيوالو او سيمه ييزو چارو کې د دواړو هېوادونو ګډې ګټې ساتل شوې دي. د چين او روسيې همکارۍ هېڅکله د درېمې خوا په مقابل کې نه دي او هېڅوک پکې مداخله نشي کولای.
د ده په خبره، د چين او روسيې د اړيکو پرمختيايي ګامونه به هېڅکله بند نشي او پر وړاندې لار به لا پسې پراخه شي.
