د چين څو ژغورونکو ډلو او د چين د هانکانګ ځانګړې اداري سيمې ژغورونکې ډلې د اپريل د لومړې نېټې په سهار د ميانمر د مندالای ښار په يو اپارتمن کې ګډ ژغورونکي عمليات پيل کړي دي.
د معلوماتو له مخې، د چين ژغورونکو ډلو دغو ګډو ژغورونکو عملياتو ته د طبي کارکوونکو په شمول ۲۴ غړي لېږلي، چې دوی به د ژوندې پاتې کسانو ته طبي خدمتونه برابر کړي او د ساري ناروغيو د خپرېدا د مخنيوي لپاره به د تعقيم چارې تر سره کړي.
د اپريل د لومړې نېټې د سهار تر ۸ بجو پورې، د چين څو ژغورونکو ډلو په مندالای ښار کې ټول ۸ ژوندي پاتي کسان پيدا کړي دي.
د ميانمر خبري رسنیو د اپريل په لومړۍ نېټه د دغه هېواد د ولسمشر مین اونګ هلاینګ له قوله خبر ورکړ چې د وروستۍ سختې زلزلې له امله ۲۷۱۹ تنو خپل ژوند له لاسه ورکړی دی.
