د چين د کرنې او کليوالو چارو وزارت د بازار وړاندوينې مسلکي کمېټې د اپرېل په ۲۰مه نېټه 》 د چين د کرنيزو چارو لرليد ( ۲۰۲۵ – ۲۰۳۴ ) 《راپور خپور کړی او اټکل يې کړی، چې د کرنيز ساينس او ټېکنالوژۍ د چټک پرمختګ په رڼا کې به په راتلونکو لسو کلونو کې د چين د غلو دانو او مهمو کرنيزو توکو د اکمالاتي ظرفيت کمیت او کيفيت پرمختګ وکړي.
د دغه راپور د اټکل له مخې، په ۲۰۲۵م کال کې به د چين د غلو دانو حاصلات د تېر کال په پرتله زيات شي او ۷۰۹ ميليونو ټنو ته به ورسېږي. په همدې کال کې به د شولو، غنمو او جوارو توليدي اندازې ښايي په جلا جلا توګه د تېر کال په پرتله ۵/۰ سلنه، ۹/۰ سلنه او ۲/۰ سلنه زياتې شي او د لوبيا توليدي اندازه به د تېر کال کال په پرتله ۵/۲ سلنه زياتوالی وښيي، چې ۲۱ ميليونه او ۱۷۰ زرو ټنو ته ورسېږي.
