د چين دولت رئيس شي جين پينګ د مې د ۱۳ مې نېټې په ماسپښین په بېجينګ کې د خلکو په لوی تالار کې د برازیل له ولسمشر لویز لولا سره خبرې وکړې.
شي جين پينګ وويل، چين او برازيل دې د پيچلي نړيوال وضعيت پر وړاندې انسانانو او نړۍ ته د پرمختګ ورکولو مسئوليت ادا کړي، د دواړو هېوادونو د ګډ برخليک ټولنې ابادۍ ته دې وده ورکړي، خپلې پرمختيايي ستراتېژۍ دې سره وصل کړي او د نړۍ د پرمختيايي هېوادونو ترمنځ د يووالي او همکارۍ لپاره دې کار وکړي.
شي جين پينګ زياته کړه، چې چين او برازیل دې د ځمکنۍ کرې د ختيځ او لوېديځ د دوو لویو پرمختيايي هېوادونو په توګه د ملګرو ملتونو، د برېکس هېوادونو، د چين او لاتيني امريکايي هېوادونو فورم په ګډون څواړخيزو ميکانیزمونو کې خپلمنځي همغږۍ او همکارۍ پياوړې کړي، پر څواړخیزم دې ټينګار ولري، نړيواله اداره دې اصلاح کړي، نړيوال اقتصادي او سوداګريز نظم دې وساتي او له يواړخيزم، پروټېکشنيزم او بادارۍ سره دې ټينګ مخالفت وکړي.
لویز لولا وويل، برازیل او چين يو بل ته درناوی کوي او ګډ برخليک او ټينګې اړيکې لري، چې هيڅ بهرنۍ مداخله پکې نه شي کېدای. برازیل غواړي له چين سره ستراتېژيکې همکارۍ ژورې کړي، د خپلمنځي ګډ برخليک ټولنې ابادۍ ته وده ورکړي او يوه لاعادلانه، سوله ييزه او سمسوره نړۍ جوړه کړي، څو د بېلابېلو هېوادونو لپاره نمونه جوړه کړي.
له يادو خبرو وروسته د دواړو مشرانو په حضور کې د دواړو هېوادونو ترمنځ څه باندې ۲۰ همکاريز سندونه لاسليک شوي او د دواړو هېوادونو د ګډ برخليک ټولنې د ابادۍ او د څواړخیزم د ګډې ساتنې او دغه راز د اوکراين بحران د حل په اړه ګډې اعلاميې خپرې شوې دي.
