عراقچي: که امریکا بیا برید کوي دوی به هم ورته ځواب ورکوي

د ایران د بهرنیو چارو وزیر سید عباس عراقچي په خپلو تازه څرګندونو کې ویلي، چې د امریکا له خوا د ایران پر ځمکنۍ بشپړتیا برید ته په غبرګون کې یې د قطر په العدید امریکايي پوځي اډې برید کړی دی. نوموړي ویلي، چې که امریکا نور داسې اقدام وکړي نو ایران به هم په پوره قوت سره ځواب ورکړي. دا په داسې حال کې ده، چې تیره شپه ایران په قطر کې د امریکا په سترې پوځي اډې سربیره په ځینو نورو اډو هم توغندیز بریدونه وکړل.