د ۲۰۲۶م کال د مصنوعي ځيرکتيا نړیوال کنفرانس او د مصنوعي ځيرکتيا د نړيوالې حکومتولۍ لوړپوړې غونډه د جولای له ۱۷مې نېټې څخه تر ۲۰ مې نېټې پورې د چين په شانګهای ښار کې ترسره شول.
دغه لوړپوړې غونډه د څه باندې ۱۱۰۰ تصديو لپاره نه يوازې د عصري ټيکنالوژيو د ښودلو مهمه کړکۍ ده، بلکې دا په نړۍ کې د مصنوعي ځيرکتيا د مخکښو تصديو لپاره چيني بازار ته د لاسرسي غوره پلاټفورم هم بلل کېږي.
د ډېرو نړيوالو تصديو مسئولينو ويلي، چين يې له شکه پرته د مصنوعي ځيرکتيا د اړوندو چارو د پرمخبيولو لپاره لومړی انتخاب دی.
د شنایډر الیکټریک (Schneider Electric) مرستيال رئيس او د چین لپاره د ستراتیژۍ او سوداګرۍ پراختیا مسئول شيونګ يي رسنيو سره په خبرو کې ويلي، چین د مصنوعي ځيرکتيا اړوندو سکتورونو کې قوي اکمالاتي ځنځير لري او په تېره بيا له سیمي کنډکټور تر روبوټ پورې، د صنعت پورې اړوند د انرژۍ د زېربناوو لپاره د چين اکمالاتي ځنځير او صنعتي بنسټ ډېر پیاوړی دی.
