د امريکايي ځواکونو مرکزي قوماندانۍ د جولای په ۲۲مه نېټه خبر ورکړی، چې ځواکونو يې د همدې ورځې د مازديګر په پنځو بجو او دېرشو دقيقو د ايران پر پوځي موخو د نوي پړاو بريدونه پيل کړي دي.
په خبر کې، د دغو بريدونو موخه په اړوندو سمندري سيمو کې د ايران لخوا د سوداګريزو بيړيو د ګواښلو د توان کمزوري کول ښودل شوي دي.
د امريکا ولسمشر ډونالډ ټرمپ د جولای په ۲۲مه نېټه ويلي، کله چې ايران په هرمز تنګي کې پر بيړيو بريد وکړي، نو ځواکونه به يې د تهران او شاوخوا سيمو په شمول دغه هېواد کې يو پل يا برېښناکوټ په نښه کړي.
د ايران پوځ بيا د ټرمپ د ياد ګواښ په غبرګون کې ويلي، که امريکا د ايران پر پل يا برېښناکوټ بريد وکړي، نو ايراني ځواکونه به په سيمې کې د امريکا اړوند د انرژۍ پر زېربنايي تاسيساتو حمله وکړي.
