د چين د کمونېست ګوند د مرکزي کمېټې د سياسي بيورو غړي او د بهرنيو چارو وزير وانګ يي د جولای په ۲۴مه نېټه په قرغيزستان کې د شانهګای د همکارۍ سازمان د بهرنيو چارو وزيرانو د غونډې په څنډه کې د روسيې د بهرنيو چارو له وزير لاوروف سره ولیدل.
وانګ يي له لاوروف سره په ليدنه کې ويلي، چې د چين د دولت رئیس شي جين پینګ د روان کال په می کې په بېجينګ کې له ولسمشر پوتين سره مهم ملاقات کړی و، چې دوه اړخيزې اړيکې لا ښه او چټک پرمختیایي پړاو ته داخلې شوې دي. روان کال د چين او روسيې ترمنځ د نيک ګاونډیتوب د دوستانه همکاريو د تړون د لاسليک او د شانګهای همکارۍ سازمان د جوړېدو له ۲۵مې کاليزې سره برابر دی. د دغه تړون په رڼا کې چين او روسيې د هېوادونو ترمنځ او د لويو هېوادونو ترمنځ د نوي ډول اړيکو نمونه جوړه کړې ده. دواړه خواوې دې د دغه سازمان د لا ودې څخه ملاتړ وکړي او د نړيوال مديريت بشپړتيا او د انسانانو د ګډ برخليک د ټولنې ابادۍ ته دې حياتي ځواک ورکړي.
لاوروف ويلي، چې د مشرانو ديپلوماسي د روسيې او چين ترمنځ د اړيکو مهم انجين بلل کېږي. هېواد يې چين ته مبارکي وايي، چې په برياليتوب سره يې د مصنوعي ځيرکتيا نړيوال کنفرانس تر سره کړ. هغوی د مصنوعي ځيرکتيا د همکارۍ په نړيوال سازمان کې برخه اخيستې او په نوښتي ساينس او ټکنالوژۍ برخو کې د دوه اړخيزو همکاريو لا پیاوړتيا ته سترګې په لاره کې دی. سربېره پردې روسيه د نوي پوځيتوب د چټکتیا او د اټومي وسلو د لرلو په برخه کې د جاپان له دسيسې سره ټينګ مخالفت کوي او غواړي، چې له چين سره څو اړخيز چوکاټي ستراتيژيکې همکارۍ لاپیاوړې کړي او د لا عادلانه او ديموکراتيکې څو قطبيزې نړۍ د ابادۍ لپاره ګډې هڅې وکړي.
