د چین د ځنګلونو او څړځایونو ملي ادارې د جولای په ۲۶مې نېټې خبر ورکړی، چې د منګرو نړیوال مرکز (IMC) د لومړۍ شورا غونډه او پرانيستونکي مراسم يې په همدې ورځ په شن جن ښار کې ترسره شول.
دغه مرکز له نړیوال نوښت څخه د فعالې ادارې د فعاليت نښه ورکړې او په نړۍ کې د منګرو ځنګلونو د ساتنې په برخه کې د بېلا بېلو هېوادونو د حکومتونو ترمنځ د همکاريو د پياوړتیا لپاره د چین د حکومت د ژمنې او عمل ښکارندويي کوي.
د منګرو نړیوال مرکز د غړو هېوادونو، لاسلیکونکو هېوادونو او څېړنيزو ادارو استازو په يادې غونډې کې ګډون کړی و، د ستراتیژیک پلان او اړوندو مقرراتو په ګډون د اداري اسنادو لړۍ یې تصویب کړه او د دغه مرکز سرمنشي یې وټاکه، چې سکرتریت یې په شن جن ښار کې موقعیت لري.
اوس مهال دغه مرکز په اسیا، افریقا او امریکا کې د منګرو ځنګلونو په عمده سيمو کې ۸ غړي هېوادونه او ۱۳ لاسلیکونکي هېوادونه لري.
