د چین د بهرنیو چارو وزارت ویاند د جولای په ۲۷مه نېټه اعلان وکړ چې د ګردې نړۍ د پرمختګ نوښت د ۵مې کلیزې جګپوړې غونډه به د جولای په ۲۸مه نېټه په بېجینګ کې تر سره شي. د چین کمونېست ګوند د مرکزي کمېټې د سیاسي بیورو غړی او د بهرنیو چارو وزیر وانګ يي به په دغه غونډه کې ګډون او وینا وکړي.
دغه غونډه به ((د ګردې نړۍ د پرمختګ نوښت د ۵مې کلیزې په پیل د دوامدارې ابادۍ لرونکې راتلونکې جوړول)) په منځپانګه ترسره شي. د ملګرو ملتونو د عالي مامورینو، په چین کې د ملګرو ملتونو د پرمختګ ارګانونو استازو او مشهورو کورنیو او بهرنیو کارپوهانو په شمول مېلمانه به په دغه غونډه کې برخه ولري او د یاد نوښت د تطبیق پر لاسته راوړنې، د همکارۍ پر کلیدي برخو او د نړۍ لپاره د دغه نوښت پر خدمت به بحثونه وکړي.
