د چین پخوانيو ۳ نويو محصولاتو( برقي مسافر وړونکي موټر، لیتیم بېټرۍ او د لمريزې انرژۍ بېټرۍ) او اوسنيو ۳ نويو محصولاتو (روبوټونه، مصنوعي ځيرکتيا او نوښتګر درمل) په نړیوال بازار کې ډېر شهرت موندلی او د چين د بهرنۍ سوداګرۍ نښې ګرځيدلې دي.
اېن بي سي (NBC) په دې وروستیو کې د پیو څېړنیز مرکز د يوې نظرپوښتنې له مخې، چې د جولای په ۱۵مې نېټې خپره شوې، ویلي، دا نظر چې چین یو ډېر باوري همکار دی، د نړۍ په زیاتو سیمو کې منل شوی دی.
په نړۍ کې د چین د اوسنيو ۳ نویو چارو محصولات څومره مشهور دي؟
شمېرې ښيي، د روان کال په لومړۍ نیمایي کې، د چین د صنعتي روبوټونو صادراتي ارزښت د تېر کال د ورته مودې په پرتله ۱۸ اعشاریه ۶ سلنه زیاتوالی موندلی او دغه روبوټونه یې د نړۍ ۱۴۱ هېوادونو او سیمو ته صادر شوي دي.
په همدې مودې کې، د چين د جراحي روبوټونو صادراتي ارزښت د تېر کال د ورته مودې په پرتله ۳ اعشاریه ۳ ځله زیات شوی دی.
د اوپن روټر(OpenRouter) معلومات ښيي، د سږکال د جولای په درېیمه اوونۍ کې، په چین کې د لویې کچې مصنوعي ځیرکتیا ماډلونو د اونیزې کارونې ونډه ۳۶ اعشاریه ۱۱ ټریلیونو ټوکنونو(Token) ته رسېدلې، چې له مسلسلو ۱۲ اوونیو راهيسې يې لومړی نړيوال مقام خپل کړی دی.
برسېره پر دې، د سږکال په لومړۍ نیمایي کې، د چين ۱۱ نويو نوښتګرو درملو، چې د دغه هېواد د حکومت له لوري تصویب شوي، د درملو د نړیوالو معاملو د لېست په مخکښو ۱۰ ځایونو کې ۸ ځایونه خپل کړي دي.
دا د پام وړ پایلې له کومه راغلي؟
چین د ټېکنالوژیکي انقلاب او صنعتي بدلون د نوي پړاو له فرصتونو څخه هر اړخيزه استفاده کوي او د لوړې کچې ساینسي او ټیکنالوژیکي پرمختګ ته وده ورکوي.
د چین يادې ۳ چارې د دغه هېواد اقتصادي ودې ته حیاتي ځواک برابروي او هم یې د بېلا بېلو هېوادونو پرمختګ په خوځښت راوستلی دی.
مورګان سټینلي په يوه خبر کې د روبوټونو په اړه ويلي، چې د چين له ګډون پرته به، د ټیسلا د دوهم نسل روبوټ د اکمالاتي سلسلې د پرمختګ لګښت څو برابره زیات شي.
ځیني لوېدیځ هېوادونه د نورو پر وړاندې سوداګریز دېوالونه او خنډونه جوړوي، خو چین بیا پر نوښت او ورخلاصون ټینګار لري او نړۍ ته د پرانیستو همکاريو فرصتونه برابروي.
په شانګهای کې څو ورځې مخکې د مصنوعي ځیرکتیا نړیوال همکاریز سازمان تاسیس شو، چې دا د مصنوعي ځیرکتیا د پرمختګ په تاریخ کې یو مهم ګام بلل کېږي.
باور دا دی، چې ياد سازمان به نړیواله ټولنه متحده کړي او د مصنوعي ځیرکتیا پرمختګ او حکومتولۍ ته به فعاله وده ورکړي.
د دغه سازمان جوړېدل د دې ښکارندويي کوي، چې د چین پرمختګ نړۍ ته د ټکان او ګواښونو پر ځای فرصتونه او ځواکمنه وړتیا برابروي.
