د امريکا ولسمشر ډونالډ ټرمپ د اګست په ۲مه نېټه رسنيو ته ويلي، چې امريکا به راتلونکي ورځ (د اګست ۳مه) له ايران سره بیا خبرې پيل کړي.
ټرمپ په همدې ورځ د هوايي ځواکونو انډريوز اډې ته د تګ پر مهال له رسنيو سره د خبرو پرمهال ياد خبر ورکړی دی.
نوموړي د خبريالانو د هغې پوښتنې په ځواب کې، چې ولې يې پر ايران د پراخ بريد پلان لغوه کړ، ويلي چې دغه لوی برید یې د سعودي عربستان، متحده امارات او قطر په غوښتنه لغوه کړی او په خبره یې، امريکا او ايران د هرمز تنګي او اټومي مسئلو د حل په اړه موافقې ته رسېدلی شي.
ټرمپ زياته کړې، ايران هم د پلان شوي بريد د لغوه کولو غوښتنه کړې او ( د اګست په ۳مه نېټه) په ماسپښين به ورسره خبرې پيل کړي.
ایران، د ټرمپ د دغو خبرو د راپورونو تر خپرېدو پورې، رسنيو ته څه نه دي ويلي.
