د اسرائیل ټایمز د اګست په ۷مې نېټې د دغه هېواد د يو ملکي سازمان په قول خبر ورکړ، چې د اسرائيلو لخوا د توقيف شویو فلسطیني ماشومانو او تنکي ځوانانو شمېر په دې وروستیو کې “د پام وړ” زیات شوی دی.
د دې خبر له مخې، د اسرائيلو لخوا تر “اداري توقیف” لاندې د بندي شويو فلسطیني ماشومانو او تنکي ځوانانو شمېر له ۱۰۳ (د ۲۰۲۵م کال د جنورۍ مياشتې شمېر) څخه ۱۹۱ (د ۲۰۲۶م کال د مارچ مياشتې شمېر) ته لوړ شوی. د هغو فلسطيني ماشومانو او تنکي ځوانانو شمېر، چې د څه باندې یو کال لپاره تر “اداري توقیف” لاندې بندي شوي دي، له ۶ (د ۲۰۲۵م کال د مارچ مياشتې شمېر) څخه ۵۰ (د ۲۰۲۶م کال د مارچ مياشتې شمېر) ته زيات شوی.
خبر دا هم ویلي چې د “اداري توقیف” له امله بندي شويو فلسطيني ماشومانو شمېر د زياتېدو په حال کې دی.
