که د چین سمندري بندرونو ته وګورو نو دا به ووینو چې په دې بندرونو کې د برقي موټرو، روبوټونو او د بادي انرژۍ تجهيزاتو څخه ډک کنټينرونه بهر ته د لیږدولو لپاره چمتو دي. بهرنیو هېوادونو ته د چین دغو چينايي توليداتو په صادرېدو سره هغوی ته هم د چین فرصتونه برابر شوي دي.
چین د اګست په اوومه نېټه يوه شمېره خپره کړې چې له مخې يې د روان کال په لومړيو اوو مياشتو کې د چين د مالونو د صادراتو او وارداتو عمومي ارزښت ۳۰.۱۳ ټريليونه يوانو ته رسېدلی چې دغه رقم د تېر کال د همدې مودې په پرتله په سلو کې ۱۷ اعشاريه ۳ زياتوالی ښودلی دی. په دې جمله کې صادراتي ارزښت په سلو کې څوارلس او وارداتي ارزښت يې په سلو کې ۲۲ زياتوالی موندلی دی. د پاملرنې وړ خبره دا ده چې د روان کال په جولای کې د عالي تخنيکي توليداتو د صادراتو پرمختیایي انډول له پنځه سلنې څخه اوښتی چې د صادراتو د عمومي پرمختیايي اندازې شپېته سلنه یې نيولې ده. د روېټرز په شمول نړيوالو بهرنیو خبري رسنيو خبر ورکړی چې د سوداګرۍ غوښتونکو د زياتېدو او د نړيوالې سوداګرۍ د پرمختیايي سرعت د ورووالي په حال کې د چين سوداګرۍ له اټکله چټک پرمختګ کړی او انعطاف پذیره ثابتې شوې دي. د دغو راپورونو له مخې چين د مصنوعي ځيرکتيا په شمول مخکښو برخو کې د ليدو وړ لاسته راوړنې درلودلې دي.
ولی چين له نړیوالو اقتصادي فشارونو سره سره دغه لاسته راوړنې درلودلې دي؟
د چین د ژن مين پوهنتون پروفيسور وانګ شياو سونګ د سي اېم جي خبريال ته ويلي چې چين په نړۍ کې تر ټولو بشپړ صنعتي سيستم لري، ډېر توليدات برابرولی او ګڼ شمېر بهرني توليدات واردولی شي چې همدې ځانګړتیا د بهرنۍ سوداګرۍ د پرمختګ بنسټ ايښودلی دی. په ورته وخت کې چين ډېر لوی بازار لري او د نوښت او د ورخلاصون د پراخوالي له لارې يې بهرنۍ سوداګرۍ پرمختګ موندلی دی.
نه يوازې د چين د بهرنۍ سوداګرۍ پيمانه په ثابت ډول پراخه شوې بلکې جوړښت يې د زرغون پرمختګ په لور روان دی. د روان کال په لومړيو اوو مياشتو کې د چین د برقي موټرو، ليتيوم بېټرۍ او د بادي انرژۍ د برېښنايي تجهيزاتو په شمول د ټیټ کاربن ايستونکو توليداتو صادراتو په جلا جلا توګه په سلو کې ۷۱ اعشاريه دوه، په سلو کې ۳۵ اعشاريه ۸ ، په سلو کې ۳۴اعشاريه ۸ زياتوالی موندلی دی. دغه راز د 3D چاپګر او صنعتي روبوټونو صادراتو په جلا جلا توګه ۱،۱ چنده او په سلو کې ۱۳ اعشاريه ۲ زياتوالی ښودلی دی. د عصري تکنالوژۍ اړوند توليدات د چين د صادراتو د زياتوالي نوی انجن ګرځېدلی دی. د توجه وړ خبره دا ده چې د نړۍ په ډېرو هېوادونو کې هوا تر بريده ګرمه شوې، خو په دې حال کې د روان کال په لومړيو شپږو مياشتو کې د چین د ايرکنډيشنرونو ، پکو او يخچالونو صادراتي ارزښت ۱۰۷ ميليارډه يوانو ته رسېدلی دی. دغو چينايي تولیداتو نه یوازې نړيوال مصرف کوونکو ته یخني برابره کړې، بلکې نړیوالو ته يې ګټې او ګټور فرصتونه یې هم برابر کړي دي.
چين غواړي چې نه يوازې د نړۍ لويه فابريکه بلکې نړيوال بازار وګرځي. د روان کال په لومړيو اوو مياشتو کې د چین د وارداتو د پرمختيا انډول له صادراتو اته سلنه چټک پرمختګ موندلی او سوداګرۍ ته یې د برابر پرمختګ په ورکولو سره نړيوال بازار ته لا زیاتې ګټې رسولې دي. د غوره توليداتو او خدماتو د صادراتو زياتوالی د چين د صنعتي جوړښت د ښه والي، د مصرفي کيفيت د لوړوالي او د خلکو د ژوند اړتياوو د پوره کولو لپاره ګټور دی، او د دې ترڅنګ سوداګريز همکاران هم د چين له بازار څخه د توليداتو سپارښتنې، کاري او پرمختيایی فرصتونه تر لاسه کولی شي. اوس چين پر ۶۳ هېوادونو ګمرکي تعرفې معاف کړې او وارداتي پیمانې يې په مسلسلو ۱۷ کلونو کې د نړۍ دوهم ځای نيولی دی. له روان کال راهيسې ” چين ته صادرات“ ځانګړي فعاليتونه د بيلاروس، جرمني، بريټانيا او تايلنډ په شمول هېوادونو کې تر سره شوي او چين ته د ډېرو غوره بهرنيو توليداتو د داخلېدو لپاره يې لاره هم هواره کړې ده. ”Eurasian Review “ ويبپاڼې په خپلې مقالې کې ليکلي چې د چین د وارداتو زياتوالی د نړيوالې سوداګرۍ راتلونکې ته زمينه برابره کړې او چين به له خپلو سوداګريزو شریکانو په همکارۍ لا ډېرو ګډو بریاليتوبونو ته ورسيږي.
