قانع: ا.ا، ترکیې او قطر د کابل او اسلام اباد د اختلافاتو پر حل ټینګار کړی

د کورنیو چارو وزارت ویاند عبدالمتین قانع وایي، افغانستان ته د ترکیې او قطر د لوړپوړو پلاوو سفرونه مهم دي او د سیمې د هېوادونو ترمنځ د سیاسي، اقتصادي، سوداګریزو او امنیتي اړیکو په پیاوړتیا کې اغېزمن تمامېدای شي. نوموړي ویلي، د افغانستان، ترکیې او قطر په ګډون سیمه‌ییز هېوادونه د ایران له وروستیو تحولاتو اغېزمن شوي او د سیمې د سولې او امنیت د ټینګښت، د ترهګرۍ او نشه‌یي توکو د قاچاق پر وړاندې د ګډې مبارزې پر اړتیا ټینګار شوی دی. قانع زیاتوي، له دغو پلاوو سره په لیدنو کې د افغانستان او پاکستان اختلافات هم مطرح شوي او د ستونزو د حل او د اړیکو د ښه کېدو لپاره پر ګډو هڅو خبرې شوې دي.