د ملګرو ملتونو د چاپېریال پروګرام (UNEP) د نومبر په ۴مه نېټه په يوه راپور «۲۰۲۶ کال د تطابق تشه» کې ويلي، چې له پرمختللو هېوادونو څخه مخ پر ودې هېوادونو ته د اقلیمي بدلونونو د اغېزو پر وړاندې د تطابق په موخه د نړیوالو عامه مالي مرستو د زیاتوالي بهیر ورو شوی او دغه مرستې د اقلیمي بدلونونو د اغېزو د مخنیوي او مدیریت له واقعي اړتیاوو څخه ډېرې کمې دي.
له اقلیمي تطابق یا اقلیمي بدلونونو سره د ځان عیارولو موخه د اقلیم او د هغه د اغېزو پر وړاندې د عملي یا احتمالي بدلونونو منل دي، څو د ګواښونو مخنیوی وشي او له شته فرصتونو ګټه واخیستل شي.
په راپور کې په ټينګار ويل شوي، چې د خطرونو د کمولو، د انعطاف پذير د پیاوړتیا او د پرمختګ د هڅولو لپاره اغېزمنو او کافي مالي سرچینو ته د تطابق اقداماتو لاسرسی ډېر اړین دی.
د راپور له مخې، په ۲۰۲۴م کال کې له پرمختللو هېوادونو څخه مخ پر ودې هېوادونو ته د تطابق په برخه کې د نړیوالو عامه مالي مرستو کچه له ۲۸.۲ میلیارډو څخه تر ۳۱.۷ میلیارډو امریکایي ډالرو پورې وه، چې د ۲۰۲۳م کال په پرتله یو میلیارد ډالره زیاتوالی ښيي. خو د انفلاسیون د اغېزو له محاسبې او لرې کولو وروسته په دې برخه کې وروسته پاتې هېوادونو او د کوچنیو ټاپووزمو پرمختيايي هېوادونو ته ورکړل شوې مرستې په ۲۰۲۴م کال کې هم د ۲۰۲۲م کال د لوړې کچې په پرتله کمې وې.
