ټرمپ د واک له پیله تر دې دمه ۲۰ زره دروغ ویلي دي

ټرمپ واک ته له رسېدو بیا تر دې دمه څه باندې ۲۰ زره دروغ ویلي او تېراېستونکې ژمنې یې کړې دي. د امریکایي رسنیو د راپورونو له مخې ټرمپ د واک له لومړۍ ورځې بیا تر دې دمه د نړیوالو او کورنیو مهمو مسایلو په اړه څه باندې شل زره دروغ ویلي او یا یې تېر اېیستونکې او د دروغو ژمنې کړې دي. هغه یوازې د کرونا ویروس د پراختیا اړوند ۱۲۰۰ دروغ ویلي او بې عمله ژمنې یې کړې دي. امریکایي رسنۍ وایي چې ټرمپ په دې ټوګه په اوسط ډول په ورځ کې ۲۷ ځله د امریکا او نړۍ د مسایلو په اړه دروغ ویلي دي. همدا راز ټرمپ د خپل واک په لومړیو سلو ورځو کې د مهمو مسایلو په تړاو د خلکو د تېر ایستلو لپاره ۴۹۲ دروغ ویلي دي. په دې توګه یې په لومړیو ورځو کې په اوسط ډول هره ورځ نږدې پنځه ژمنې د دروغو او تېر اېستونکې بلل شوې دي. ټرمپ په نړۍ کې هغه ولسمشر ګڼل کېږي چې د حقایقو له ارزولو پرته له خپلې کوټې د مهمو مسایلو په اړه له خپله ځان ټوېټ پیغامونه خپروي او امریکا ته یې درد سر جوړ کړی دی.