د سره صلیب نړیواله کمېټه وايي چې د افغانستان د اقتصادي سیسټم د سقوط د مخنیوي لپاره هڅه کوي. په افغانستان کې د دې کمېټې مشر ایلوی فیلیون ویلي، هڅه کوي چې د روغتیا د برخې کار کوونکي د افغانستان خلکو ته د حیاتي خدمتونو د وړاندې کولو په برخه کې کار ته دوام ورکړي. نوموړي ویلي چې بشري هڅې د عامه خدماتو د سکتور د سقوط تشه نه شي ډکولی، نو ځکه دی وايي چې په افغانستان کې باید تر دې زیات کار وشي. دغه راز د خوړو نړیوال پروګرام ویلي، د افغانستان له نیمايي زیات وګړي له لوږې سره مخامخ دي او سمدستي مرستو ته اړتیا لري. ورته مهال د ملګرو ملتونو سرمنشي انتونیو ګوترېش په روانه اوونۍ کې وویل، د افغانستان اقتصاد د سقوط په حال کې دی او د ژغورلو لپاره یې باید ژر تر ژر هلته نغدې پیسې ورسول شي.
سور صلیب: د افغانستان د اقتصادي سیستم د سقوط د مخنیوي لپاره هڅه کوو
Get real time update about this post categories directly on your device, subscribe now.
- Trending
- Comments
- Latest
