مجاهد: بشري مرستې دې له سیاسي مسائلو سره نه تړل کېږي

روژې ته د ګوتو په شمار ورځې پاتې دي او د بېکارۍ په اوج کې خلک شکایت کوي چې د روژې مبارکې میاشتې په را رسېدو سره د خوراکي توکو بیې یو ځل بیا لوړې شوې دي. دوی شکایت کوي چې له یوې خوا یې بې کاري ژوند سخت کړی دی او له بلې خوا په بازار کې د خوراکي توکو بیې ملا ماتوونکې دي. دوی دغه راز پر حکومت هم نیوکه کوي چې په وینا یې، نرخ نامې یې په بازار کې خپرې کړې دي خو څوک ورباندې عمل نه کوي. کابل ښاریان له حکومت څخه غواړي چې د نرخونو د کنټرول لپاره پر بازار خپل څار ډېر کړي. په همدې حال کې د کابل ښاروالۍ مسوولین وایي، پخوا ازاد بازار و چې نرخونه دوی نه شوای ټاکلی خو په خبره یې، له دې وروسته به دوی بازار ته نرخ نامې ورکوي او ژمنه کوي چې که څوک له ورکړل شويو نرخ نامو سرغړونه وکړي نو د قانون په رڼا کې به ورسره جدي چلند وکړي. د یادونې ده چې مخکې تر دې هم بازار ته نرخ نامې ورکړل شوې دي خو تر اوسه پورې د ښار په هیڅ څنډه کې ورباندې چا عمل نه دی کړی.