د رياست الوزرا د لومړي مرستيال ملا عبدالغني برادر په مشرۍ د ا.ا د کابينې اقتصادي کمېسيون امنيتي ادارو ته سپارښتنه کړې چې د برېښنا له پوروړو څخه د برېښنا شرکت د پورونو په راټولولو کې مرسته وکړي. د لومړي مرستيال د دفتر له لوري په همدې تړاو خپره شوې خبرپاڼه کې ويل شوي چې امنيتي ځواکونه دې له برېښنا شرکت سره مرسته وکړي څو له دولتي ادارو او زورواکو څخه خپل پورونه ترلاسه کړي. د برېښنا شرکت تر دې وړاندې په ځلونو ويلي وو چې ګڼې دولتي ادارې او زورواکي يې د برېښنا د لګښت له درکه په سلګونو ميليونو افغاني پوروړي دي چې دوی يې په راټولولو کې ناتوانه شوي دي. د کابينې اقتصادي کمېسيون په خپله وروستۍ غونډه کې دغه راز د افغانستان بانک او دولتي شرکتونو ته هم سپارښتنه کړې چې په ګډه يو داسې ميکانيزم رامنځته کړي چې پر بنسټ يې پر دولتي شرکتونو بانکي محدوديتونه رفع شي.
د کابینې پرېکړه؛ امنیتي ځواکونه دې د برېښنا د پور په راټلولو کې مرسته وکړي
Get real time update about this post categories directly on your device, subscribe now.
- Trending
- Comments
- Latest
