افغانستان او ايران پرېکړه کړې چې د هلمند په اوبو کې د ايران د حقابې د اندازه کولو لپاره د دريو سټېشنونو د جوړولو عملي چارې پيل کړي. د اوبو او انرژۍ وزارت له لوري په خپره شوې خبرپاڼه کې ويل شوي چې د اوبو او انرژۍ د سرپرست وزير په مشرۍ افغان پلاوي د ايران د انرژۍ د وزير په مشرۍ له ايراني پلاوي سره کابل کې کتلي دي. سرچينه زياتوي چې دې کتنه کې د هلمند سيند په اوبو کې د ايران د حقابې د ورکړې په اړه بحث شوی او افغان لوري ويلي چې د ۱۳۵۱ کال د تړون پر بنسټ د ايران د حقابې ورکړې ته ژمن دي. دواړو لورو هوکړه کړې چې په دې برخه کې د ناندريو د پای ته رسېدو لپاره به په ټاکلو نقطو کې د اوبو د مقدار د سنجولو لپاره د سټېشنونو د جوړولو عملي چارې پيل کړي. د ايران د انرژۍ وزارت دغه راز له افغان لوري سره ژمنه کړې چې د بادي برېښنا د توليد او لويو ښارونو ته د څښاک اوبو د لېږد په برخه کې به له ا.ا سره خپلې تجربې شريکې کړي.
ایران ته د بهېدونکو اوبو د اندازه کولو لپاره سټېشنونو جوړېږي
Get real time update about this post categories directly on your device, subscribe now.
- Trending
- Comments
- Latest
