د ملګرو ملتونو د سرمنشي ځانګړی استازی او د یوناما سرپرست مارکس پوتزيل وايي دا چې افغانستان د نړیوال سیستم یوه برخه ده، نو سرپرست حکومت باید خپلو نړیوالو مکلفيتونو ته غاړه کېږدي. نوموړي دغه څرګندونې تېره شپه د ملګرو ملتونو د امنیت شورا هغه ځانګړې غونډې ته وکړې، چې د روسیې په غوښتنه د افغانستان په اړه رابلل شوې وه. هغه زياته کړه، چې څو ورځې مخکې یې همدې شورا ته د افغانستان د وروستیو حالاتو په اړه بشپړ معلومات ورکړي، خو دا چې په وروستيو اونیو کې څه پېښ شوي، معلومات به وړاندې کړي. ده وويل چې د ملګرو ملتونو د بشري مرستو مسوول مارټين كريفيټ د بشري مرستو او بشري اړتياوو په اړه په تفصیل سره خبرې وکړې. د یوناما سرپرست وايي، ټاکل شوې ده، چې د ملګرو ملتونو سرمنشي انتوني كوتريش په نږدې راتلونکي کې د افغانستان په اړه خپل کلنی راپور هم د امنیت شورا ته وړاندي کړي.
مارکس پوتزيل: طالبان باید خپلو نړیوالو مکلفیتونو ته غاړه کېږدي
Get real time update about this post categories directly on your device, subscribe now.
- Trending
- Comments
- Latest
