بلینکن: طالبان باید په نوي باب کې زمونږ ملاتړ او مشروعیت تر لاسه کړي

په افغانستان کې د امریکا د شل کلن ماموریت د ختم اعلان سره سم د امریکا د بهرنیو چارو وزیر انټوني بلینکن د دې سیاسي بدلون د څرګندولو تر څنګ وویل چې د افغانستان په هکله “نوی باب” پیل شو.ښاغلي بلینکن وویل، ” سر له نن نه مو په افغانستان کې خپل سیاسي حضور وځنډاوه او دیپلوماتان مو قطر ته ولیږدول.”
بلینکن وویل چې د افغانستان نه د امریکایي عسکرو تر وتلو وروسته طالبان باید خپلې کړڼۍ ژمني پر ځای کړي او زیاته یې کړه چې”مشروعیت او ملاتړ باید وګټل شي. ”
ښاغلي بلیکن زیاته کړه، “د افغانستان سره مو د کار کولو نوی باب پیل شو. پدې کې به مونږ په دیپلوماسۍ مخې ته ځو. سیاسي ماموریت ختم شو او نوی سیاسي ماموریت پيل شو. “د بهرنیو چارو وزیر همدارنګه وویل چې طالبان باید خلکو ته د سفر کولو آزادي ورکړي، د میرمنو او اقلیتونو حقونو ته درناوی وکړي او پرې نږدي چې دا هیواد د ترهګرو په اډې بدل شي.