د ترکيې د ولسمشرۍ ماڼۍ د مطبوعاتو ادارې د اکتوبر په ۱۳مه نېټه په يوه اعلاميه کې ويلي چې ولسمشر رجب طيب اردوغان په همدې ورځ د سعودي عربستان د وليعهد محمد بن سلمان سره په تليفوني خبرو کې له دې هېواد څخه ټينګ ملاتړ څرګند کړ.
په اعلاميه کې راغلي چې اردوغان پر سعودي عربستان د حوثيانو پر بريدونو سخته نيوکه کړې او په بريدونو کې د تلفاتو له امله يې خواشيني څرګنده کړې ده. اردوغان ويلي چې ترکيه به په دوامداره توګه له سعودي عربستان څخه ملاتړ وکړي او باور يې ښودلی چې اوسنۍ ننګونې به لرې شي.
د سعودي عربستان په مشرۍ د څو هېوادونو ائتلافي ځواکونو په خپله اعلاميه کې ويلي چې حوثي وسله والو د اکتوبر په لسمه نېټه د خالد د نړيوال هوايي ډګر پر يوې ودانۍ برید کړی چې له امله يې ۱۲ تنه مړه او ۳۰۹ تنه نور ټپيان شوي دي.
