جورج بوش: اندېښمن یم روانې بې عدالتۍ به امریکا زندۍ کړي

د امریکا پخواني ولسمشر جورج بوش ویلي، امریکا کې د روانو بې عدالتیو په اړه اندېښمن دی. هغه د جورج فلویډ وحشیانه وژنې ته په اشارې ویلي، دی وېره لري چې هسې نه روانې بې عدالتۍ هېواد له نه جبرانېدونکې ماتې سره مخ او د جورج په څېر امریکا زندۍ کړي. نوموړي زیاته کړې، اوس د اعتراض کوونکو د ځپلو وخت نه، بلکې وخت دی چې د هغوی خبرې واورېدل شي او غوښتنو ته یې رسېدګي وشي. د بوش د دفتر له لوري په خپرې شوې خبرپاڼه کې دغه راز زیاته شوې، د امریکا فعاله اداره باید خپل د ضعف ټکي له منځه یوسي او په ماشومانه کارونو خپل تاریخي برم زیانمن نه کړي.