د چين د بهرنيو چارو وزارت وياند د سپتمبر په ۲۶مه نېټه د مصنوعي ځيرکتيا په اړه د خبریالانو پوښتنو ته ځوابونه ورکړل.
واشينګټن له امريکا څخه د چين د دولت رئيس شي جين پينګ د ليدنې د لاسته راوړنو په معرفي کولو کې د “مصنوعي ځيرکتيا” پرځای “سوپر ځيرکتيا” نوم کارولی دی. يو خبريال په دې اړه د چيني لوري د تبصرې پوښتنه وکړه.
د چين د بهرنيو چارو وزارت وياند يادې پوښتنې ته په ځواب کې وويل، چې د چین او امریکا مشرانو په ملاقات کې د مصنوعي ځيرکتيا په اړه ژورې خبرې وکړې. دغه وياند زياته کړه، چې چين د مصنوعي ځيرکتيا د بيانولو مسئلې په اړه د امريکا دريځ ته په درنه سترګه ګوري او د امريکايي لوري کارولی نوم ته درناوی کوي. د مصنوعي ځيرکتيا ټکنالوژي د دوامداره پرمختګ په حال کې ده او بېلا بېلې خواوې کولی شي د تازه وضعيت له مخې تبادلې پياوړې کړي، بحثونه ژور کړي او د نظر اتفاق ومومي.
